هو مفيش اصحاب في المعهد ؟

السلام عليكم ورحمة الله وبركاته

انا الحمد لله شايف في تزايد في اعداد الطلاب اللي بيسجلوا في المنتدى تعالوا نعرف اصحاب تانيين بوجود المنتدى ده وعشان نقدر نتميز ونوصل لاعداد كبيرة من الاعضاء من الطلاب والمهندسين والمهندسات في المعهد وده هيخلي فرص ان احنا نعتمد المنتدى ده من الوزارة كبيرة عشان نقدر ننزل النتيجة على المنتدى فور ظهورها مش نقعد نستنى الفرج من الناس اللي في المعهد اي كان هما مين الكنترول او المدير او بعض المهندسين انا مقصدش اني اقلل من قدر اي حد في المذكور اعلاه لكن هو ده اللي بيحصل فعلا معانا دلوقتي واحنا لحد دلتوقتي مش قادرين ناخد اي نتيجة من المعهد لأن المعهد بيعتبر ان نزول النتيجة على موقع الوزارة شيء حصري ليهم وحنا مش عايزين ناخد الحصرية ديه منهم احنا عايزين نقلل الضغط من عليهم ونزود الاماكن اللي الطالب يقدر يحصل فيها على النتيجة ومش بس النتيجة لا ده كمان هيبقى فيه قسم في المنتدى لكل قسم او شعبة في المعهد بمعنى ان الطالب الذي لم يحضر يوم او محاضرة يقدر يطلب من زميله اللي حضر انه يقدمله اللي فاته باخنصار لحد مايرجع لمهندس المادة او مدرس المادة عشان يقدر يفهم منه طبعا المنتدى مابيلغيش الحضور الطلابي في المعهد ولا حضور المهندسين في المنتدى عشان لازم اجزاء المنظومة التعليمية تكون كاملة سواء كان في المعهد او المنتدى لازم يبقى فيه طالب ومعلم ومادة علمية و طرق تعليمية تسهل عملية التدريس للمهندس وتسهل عملية الاستيعاب للطلاب لذلك انا ارجوا كل من سجل ان يعلم اصحابه بوجود المنتدى ولمن لم يسجل حتى الان ان يبادر بسرعة التسجيل في المنتدى حتى يصبح يكون من لديه المعلومة ومن يحتاج المعلومة في مكان واحد و ايضا كل من له معرفة بأي مهندس في المعهد ارجوه ان يبعث له دعوة للانضمام الى المنتدى حتى تزيد قوتنا الفكرية والعلمية في المنتدى .

وسنبادر بعمل بوسترات عليها رابط المنتدى لتسهيل الوصول اليه وسيتم تعليق هذه البوسترات في المعهد وخارجه ليكون الاعلان اكثر فاعلية عن المنتدى وللوصول الى اكبر عدد ممكن من المشاركين والاعضاء

والسلام عليكم ورحمة الله وبركاته

السلام عليكم ورحمه الله وبركاته

فكره جميله جدا وكلام اروع يا شورى
انا من رأيى ان فكره المنتدى دى فكره اكتر من ممتازه لكنا محتاجه لبعض التعديلات ((( وطبعا التعديلات دى مش هاتيجى لوحدها او عن طريق
شخص او اتنين ولا حتى ثلاثة )))


التعديلات دى لازم تيجى عن طريق ((( جميع ))) الاعضاء والمشرفين والاداريين فى المنتدى
يعنى لازم الكل يشارك بموضوع او تعديل او رد او حتى رأى او شكوى بحيث يكون فيه تفاعل ونقدر نعتمد المنتدى من الوزارة بحيث يكون لينا اسبقية لأى خبر جديد و عرض النتائج على المنتدى بكل سهوله ويسر


وفى الاخر اتمنى من كل الاعضاء يشاركو معانا بتصويتهم وبارائهم وتفاعلهم معانا ((( لأن المنتدى ده اتعمل علشان نتواصل ببعض ونساعد بعض ))) مش ندخل علشان ناخد اللى احنا عاوزينه بس
لازم الكل يشارك باللى هو يعرفه علشان الباقيين يعملو زيه ويشاركو هما كمان باللى هما عارفينه


وعلى فكره يا مصطفى انا كنت ببعت لينك الصفحه الرئيسيه لكل الطلبه علشان يشاركو معانا
لكن دلوقتى انا هابعت لينك الموضوع ده علشان الكل يعرف هدف المنتدى الرئيسى والكل يشارك معانا


نبدأ نعرف نفسنا على بعض ؟!!


انا اخوكم محمد فتحى عبد الستار الفخرانى
من شعبة أجهزة منزلية


elfor3on

خلاص نبقى نتقابل فى المعهد نعرف بعض شخصيا اكتر
وانا يكون ليا الشرف انى اعرفك يا طارق وعلى فكره انا مش بقلد ماتريكس
ماتريكس هو اللى بيقلدنى

اهلا بيك يا طارق واهلاً بشعبة ميكانيكا سيارات واهلها



اخوك محمد الفخرانى
elfor3on

اهلا بيكى اختى رغده
نورتينا ونورتى المنتدى بفكرتك الجميله دى
وياريت لو ترسليلى لينك السيت بتاعك على الخاص علشان نشوفه وكمان نقدر نكريته معانا هنا فى المنتدى


اخوكم محمد الفخرانى
elfor3on